Aksident i rëndë, dy të lënduar, njëri në gjendje të rëndë – Ora Info Ballina | ORAinfo.com - Nuk ndalet
Lajmet e fundit
0 °C

Aksident i rëndë, dy të lënduar, njëri në gjendje të rëndë

22:32 | 07 Prill 2019

Aksident në Korçë.

Një aksident ka ndodhur para pak minutash në dalje të qytetit të Korçës.

Mësohet se aksidenti ka ndodhur në segmentin Korçë-Ersekë, ndërsa ka dhe një të lënduar rëndë.

Në aksident janë përfshirë dy automjete, njëri prej të cilëve motor ku kanë qenë burrë e grua.

Të dy janë transportuar në spital, ndërsa mësohet se njëri prej tyre ndodhet në gjendje të rëndë.

Informacion paraprak.

Më datë 07.04.2019, jemi njoftuar se në aksin rrugor Ersekë-Korçë, shtetasja Th.K, duke drejtuar mjetin tip “Mitsubishi” është përplasur me një mjet tip motorr me drejtues shtetasin B.L.

Për pasojë janë dëmtuar shtetasi B.L dhe bashkëshortja e tij shtetasja Sh.L, banues në Kamenicë, që udhëtonin me motorr, të cilët u dërguan në Spitalin e Korçës, ku ndodhen nën kujdesin e mjekëve.

Shtetasja Th.K, është shoqëruar në Komisariat për kryerjen e veprimeve të mëtejshme.

Grupi hetimor po punon për të sqaruar rrethanat e ngjarjes./tch

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!