Ditën e enjëte një aksident tragjik ndodhi në Gjilan, i cili la pa shenja jete një person dhe shumë të tjerë të lënduar.

Tani është caktuar masa e ndalimit ndaj të pandehurit V. T.

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e ndalimiy prej 30 (tridhjetë) ditë të pandehurit V. T.

Ekziston dyshimi i bazuar se i pandehuri V. T., si person përgjegjës në kompaninë, SH. P. K. ‘’VEV GROUP’’ , ka lëshuar në qarkullim kamionin e tipit “Scania”, pa regjistrim dhe pa kontrollë teknike që nga data 18 gusht 2017, të cilin e ka drejtuar shoferi i kësaj kompanie M. A., me ç’rast i njëjti ka shkaktuar aksident trafiku me datë 07.03.2019, si pasojë e të cilit ka mbetur i vdekur i ndjeri Q. Ç. dhe kanë mbetur të lënduar 23 persona.

Me këto veprime i pandehuri ka kryer veprën penale mbikëqyrja e pandërgjegjshme e trafikut publik, vepër e sanksionuar me Kodin Penal të Republikës së Kosovës.

Gjyqtari i procedurës paraprake në Departamentin e Përgjithshëm, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së ndalimit ndaj të pandehurit, në mënyrë që të bëhet zhvillimi normal i procedurës.

Palët kanë të drejtën e ankesës ndaj këtij vendimi në Gjykatën e Apelit.

Komento:

	Komenti