Policia e Kosovës ka njoftuar se në Obiliq janë arrestuar gjashtë persona për veprën “Organizim i skemave piramidale dhe bixhozit të paligjshëm”.

Pasditen e së martës, Policia e Kosovës në Komunë e Obiliqit ka arrestuar gjashtë persona për veprën “Organizim i skemave piramidale dhe bixhozit të paligjshëm”.

Siç bëhet e ditur në njoftimin e policisë, njësitë policore në koordinimit me prokurorin e shtetit dhe urdhëresës së gjykatës kanë bërë kontrollin e gjashtë lokaleve afariste nën dyshimin se në ato lokale janë duke u zhvilluar veprimtari të kundërligjshme,.

Gjatë kontrollit të realizuar janë arrestuar gjashtë persona të dyshuar dhe janë sekuestruar 8 pajisje përmes të cilave dyshohet se janë zhvilluar lojëra të fatit.

Me urdhër të prokurorit të dyshuarit pas intervistimit janë liruar në procedurë të rregullt.

Komento:

	Komenti