Ambasada amerikane pas vizitës së delegacionit nga shteti i tyre është deklaruar se taksa minon partneritetin me SHBA-në.
Ambasada amerikane ka lëshuar komunikatë pas vizitës së delegacionit të lartë të SHBA’së në Kosovë. Në këtë deklarohet thuhet se taksa po minon raportet miqësore me amerikanët.

Sipas këtij njoftimi të ambasadës, ky delegacion erdhi për të përforcuar porosinë e presidentit Donald Trup, shkruan Gazeta Express.

Më tutje, Ambasada potencon se taksa ndaj produkteve serbe dhe boshnjake e minojnë partneritetin mes Kosovës dhe SHBA’së.

Deklarata e plotë e ambasadës:

Zëvendësdrejtori i Lartë për Evropë i Këshillit të Sigurisë Kombëtare (NSC) John Erath, dhe Drejtori i NSC-së për Çështje Evropiane, Brad Berkley, u takuan dje me Presidentin Thaçi dhe Kryeministrin Haradinaj, pas vizitës në Beograd dhe takimeve me udhëheqësit e qeverisë së Serbisë.

Mysafirët erdhën për të përforcuar porosinë e Presidentit Trump “për të zënë këtë moment unik … dhe për t’u përmbajtur nga veprimet që do ta bënin arritjen e një marrëveshjeje më të vështirë”.

Në të dyja kryeqytetet ata theksuan shqetësimin e Shtëpisë së Bardhë se Dialogu duhet kthyer në binarë, dhe se të dyja palët duhet të ndërprejnë veprimet provokuese dhe të ndërmarrin hapa konstruktivë për tu kthyer në tryezën negociuese.

Mysafirët përsëritën mesazhin e tyre nga letra ndërinstitucionale e 11 shkurtit se taksat në prodhimet e Serbisë dhe Bosnies janë pengesë në rrugën drejtë progresit, e minojnë partneritetin tonë, dhe duhet të pezullohen në mënyrë që Dialogu me Serbinë të lëvizë përpara. Ata theksuan urgjencën që Kosova të arrijë një marrëveshje gjithëpërfshirëse të normalizimit me Serbinë, dhe rreshtimin SHBA-Kosovë për këtë interes të përbashkët strategjik.

Komento:

	Komenti