Hovenier thotë se Qeveria duhet t’i mbrojë qytetarët: Vazhdimisht e kemi dënuar djegien kriminale të veturave në veri.

Ambasadori amerikan në Kosovë, Jeffrey Hovenier ka deklaruar sot se Shtetet e Bashkuara të Amerikës në vazhdimësi i kanë dënuar djegiet kriminale të veturave në veri të Kosovës.

Ai ka shkruar se Qeveria e Kosovës ka përgjegjësi t’i mbrojë qytetarët e saj dhe të sigurojë llogaridhënie “për këto vepra kriminale”.

“SHBA-të vazhdimisht e kanë dënuar djegien kriminale të veturave në veri të Kosovës. Qeveria e Kosovës ka përgjegjësi të mbrojë qytetarët e saj dhe të sigurojë llogaridhënie për këto vepra kriminale”, shkroi Hovenier.

Ditëve të fundit në veri të vendit janë djegur vetura të qytetarëve serbë të cilët i kanë regjistruar ato me targa RKS si dhe është arrestuar një serb si i dyshuar. Sot, ndërkaq, Policia është sulmuar me mjet shpërthyes në veri.

Për këto ngjarje ka reaguar edhe ambasadori i Gjermanisë në Kosovë, Jorn Rohde.

Komento:

	Komenti