Philip Kosnett, ambasador amerikan në vendin tonë sot ka zhvilluar një takim me kreun Partisë Liberale Serbe, Sllobodan Petroviq.

Kosnett shkruan në Tëitter se me Petroviqin folën për rëndësinë e diversitetit politik në Kosovë.

“Bisedova për vlerat e diversitetit poltik në një shoqëri demokratike me deputetin e SLS’së, Slobodan Petroviq. Zyrtarët e zgjedhur në Kosovë duhet që vazhdimisht të avokojnë për bashkëpunim në cështjet e rëndësishme për zgjedhësit e tyre dhe për të gjithë qytetarët e vendit”, ka shkruar Konsett.

Ndërkaq, sipas një njoftimi nga SLS-ja, Petroviq ka shprehur shqetësimin rreth retorikës ndezëse ndërmjet Beogradit dhe Prishtinës, si dhe keqtrajtimin e zyrtarëve të lartë të Partisë së Pavarur Liberale në vendkalimet në Serbi nga pjesëtarë të BIA-s dhe Ministrisë së Brendshme të Serbisë.

Në njoftim thuhet se Petroviq ka kujtuar se aspirata e partisë së tij është të ruhet paqja dhe stabiliteti në Kosovë, në mes të të gjitha komuniteteve.

Në takim u bisedua edhe për mundësitë e përmirësimit të bashkëpunimit në fusha me interes të përbashkët për të gjithë qytetarët e Kosovës.

Komento:

	Komenti