Amerika heq vizat për këtë shtet – Ora Info Ballina | ORAinfo.com - Nuk ndalet
Lajmet e fundit
0 °C

Amerika heq vizat për këtë shtet

19:11 | 06 Nëntor 2019

Amerika i ka hequr vizat për Poloninë.

Duke filluar nga 11 nëntori, polakët mund të shkojnë në SHBA dhe të qëndrojnë për 90 ditë pa patur nevojë për vizë, njoftoi sot presidenti, Andrzej Duda.

Pritur me padurim që prej shumë vitesh nga polakët kjo masë është prezantuar nga konservatorët në pushtet në Poloni si një rezultat i marrëdhënieve të tyre të mira me administratën Trump.

Duke cituar ambasadoren amerikane në Varshavë, Georgette Mosbacher, Duda theksoi se njoftimi zyrtar i kësaj çështjeje pritet sot në Uashington.

“Falenderoj presidentin e SHBA-së, Donald Trump, i cili kishte premtuar një vit më parë se Polonia do të pranohej në programin e heqjes së vizave para përfundimit të mandatit të tij”, theksoi ai.

Njoftimi u bë në momentin më të mirë për presidentin polak, i cili po përgatitet të rizgjidhet në pranverë për një mandat të dytë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!