Ancelotti: Në 30 vite si trajner, vetëm dy lojtarë më kërkuan që të mos i inkuadroja për shkak të lodhjes.

Carlo Ancelotti ndau një histori interesante në konferencën e tij për shtyp sot (e premte), duke folur përpara ndeshjes së shtunë mes Real Madridit dhe Getafes.

Trajneri u pyet nëse ka frikë se disa lojtarë mund të shkojnë vetëm me gjysmë zemre në ndërhyrje në javët e ardhshme për të shmangur një dëmtim para Kupës së Botës.

“I njoh lojtarët e mi dhe nuk jam i shqetësuar. Do të duhet t’i vlerësojmë mirë këto shpërndarjet e pushimit”, ka thënë fillimisht Ancelotti.

“Por, ajo që ndodh në të vërtetë është se lojtarët e lodhur zakonisht gënjejnë për t’ju thënë të kundërtën, se ata janë mirë”.

“Kjo mund të shkaktojë një lëndim, kështu që unë do të preferoja që lojtarët e mi të më thonë nëse janë të lodhur dhe nuk janë 100 për qind”.

“Por, kjo ka ndodhur vetëm dy herë në 30 vitet e mia si trajner”.

“Një herë ishte me Pepen për një finale të Ligës së Kampionëve dhe tjetra ishte me Clarence Seedorf në një ndeshje lige”, përfundoi trajneri i Real Madridit.

Komento:

	Komenti