Ancelotti ndihet fajtor: Humbja është përgjegjësi e imja, nuk u mbrojtëm mirë.

Carlo Ancelotti ndihet fajtor për humbjen në derbi nga Atletico Madridi.

Real Madridi u mposht 1:3 pasi bëri shumë gabime në mbrojtje, shkruan “Gazeta Express”.

“Nuk e nisëm lojën mirë, nuk jemi mbrojtur mirë, nuk ishim të vëmendshëm në zonën tonë. Kur ata shkuan në avantazh prej 2:0, e bënë lojën që donin, duke u mbrojtur mirë dhe duke kërkuar tranzicione të shpejta”, deklaroi fillimisht trajneri italian.

“Atletico luajti më mirë se ne. Disa herë rivalët kishin kaluar në epërsi herët dhe në tri raste kemi arritur ta përmbysnim rezultatin. Edhe në këtë ndeshje ishim afër, por loja përfundoi 3:1”, përfundoi trajneri i Real Madridit.

“Los Blancos” e pësuan humbjen e parë sezonale me Atleticon që kreu punë qysh në pjesën e parë.

Reali e kishte dominuar rivalin lokal në vitet e fundit, por dy golat e Alvaro Moratas dhe një i Antoine Griezmannit bënë që Madridi të vishet Kuq e Bardhë.

Komento:

	Komenti