Real Madridi është mposhtur në udhëtim nga Villarreali, duke bërë një hap prapa në luftë për titull.

“Nëndetësja e Verdhë” e mposhti Real Madridin me rezultat 2:1, në kuadër të javës së 16-të në La Liga.

Pas ndeshjes, trajneri i Real Madridit, Carlo Ancelotti u shpreh se ekipi i tij bëri gabime de se nuk u mbrojtën mirë.

“Ishte një lojë e vështirë. Nuk u mbrojtëm mirë, bëmë gabime në fillim dhe më pas kthimi në lojë nuk është i lehtë. Nuk e nisëm mirë vitin, si vitin e kaluar. Kemi bërë gabime, duhet ta lexojmë më mirë situatën”, tha Ancelotti.

Pas kësaj ndeshje, Real Madridi mbetet i dyti me 38 pikë, aq sa ka edhe Barcelona në vendin e parë, por që katalonasit tani kanë një ndeshje më pak të zhvilluar.

Komento:

	Komenti