Conte i tregon Tottenhamit se për çfarë ka nevojë në afatin e janarit.

Trajneri i Tottenham, Antonio Conte deklaroi të dielën se skuadra e tij kishte nevojë për më shumë sulmues.

Italiani foli me mediat pasi ekipi i tij u mund 2-0 nga Aston Villa në shtëpi në Ligën Premier.

Ndërsa skuadra e tij rrëshqiti jashtë katërshes së parë, Conte pranoi se ai nuk është i kënaqur me gjendjen e skuadrës së tij ndërsa hapet afati i transferimeve të janarit.

I pyetur nëse ka ai pak lojtarë në dispozicion, ai deklaroi pas ndeshjes: “Situata është e qartë dhe mendoj se ju mund ta shihni situatën tonë që nga fillimi i sezonit. Ne kemi përpara Bryan Gil i cili ka luajtur një lojë të mirë, por ai është një lojtar i ri, dhe ju duhet t’u jepni lojtarëve të rinj kohë për t’u bërë më të fortë fizikisht”.

“Jam i kënaqur nga ajo që kam parë prej tij sot në lojë. Pastaj janë Kane, Son, Richarlison dhe Kulusevski. Kur ka ndodhur që dy nga këta (janë të lënduar), dhe këtë sezon ka ndodhur disa herë, me Richarlison dhe Kulusevski, jemi në hall”.

“Gjithashtu Sonny duhet të vazhdojë të përmirësohet dhe bëhet e vështirë kjo situatë. Sepse nëse më pyet për qendërmbrojtësit, ata bënë një lojë të mirë, dy mesfushorët bënë një lojë të mirë, mbrojtësit e krahut bënë një lojë të mirë. Dhe pastaj ne luftuam pak përpara, sepse gjetëm një ekip që mbrohej shumë thellë. Nëse keni një zgjidhje në bankinë për të ndryshuar lojën, është më e lehtë sepse i ndryshoni letrat gjatë lojës”, ka vazhduar Conte.

Komento:

	Komenti