Komuna e Vushtrrisë ka njoftuar se janë anuluar koncertet e planifikuara në kuadër të manifestimit “Ditët e Diasporës 2026”, pas ndarjes tragjike nga jeta të tre bashkëqytetarëve.

Sipas njoftimit, vendimi është marrë në shenjë respekti dhe solidarizimi me familjet Tërnava dhe Shabani. Koncertet do të shtyhen për një datë tjetër, e cila do të bëhet e ditur me kohë përmes kanaleve zyrtare të Komunës së Vushtrrisë.

Komuna u ka shprehur ngushëllimet më të sinqerta familjeve Tërnava dhe Shabani, duke theksuar se bashkëndjen me dhimbjen e tyre për këtë humbje të rëndë.