Arben Mustafa, deputet i PDK-së, ka thënë se Qeveria është arsyetuar se inflacioni në vend po ndodh shkaku i mungesës së Ligjit për çmimet tavan.

Në seancën e jashtëzakonshme të Kuvendit, ai kërkoi nga qeveria t’i tregojë qytetarëve se a do të ulen çmimet kur të kalojë ky ligj, raporton Klankosova.tv.

“Është shumë kohë e shkurtër për të diskutuar për këtë ligj shumë të rëndësishëm që ndikon në treg. Prej që ka filluar rritja e çmimeve në Kosovë, ju si qeveri jeni arsyetuar se në mungesë të ligjit për çmimet tavan po ndodh kjo. Tani kur e keni sjell në Kuvend këtë ligj, është mirë t’i tregoni qytetarëve se a do të ulen çmimet a jo. Arsyetimi juaj ka qenë se ka inflacion në Kosovë sepse s’ka ligj për çmimet tavan”, u shpreh Mustafa.

Ai u shpreh se nuk do të ketë ulje të çmimeve me kalimin e këtij ligji.