Në zemër të markës së njohur të modës Bellico qëndron një emër i veçantë, Arbesa Mehmedaliu, e cila me pasionin dhe vizionin e saj ka shndërruar ëndrrën e fëmijërisë në realitet.

E diplomuar në Evolution Academy, ku përfundoi si studimet bachelor ashtu edhe ato master në Dizajn Mode, Arbesa ka qenë e lidhur me artin e modës që në moshë të hershme.

Nga skicat e para e deri tek krijimet që marrin jetë në pasarela, udhëtimi i saj ka qenë gjithmonë i udhëhequr nga kreativiteti, eleganca dhe dashuria për detajin.

Në tetor të vitit 2024, Arbesa bëri hapin e madh duke themeluar Bellico, një markë mode që reflekton stil të përjetshëm, cilësi dhe sofistikim. Synimi i saj është i qartë: të ndërtojë një brand që jo vetëm ndjek trendet, por që qëndron mbi kohën, duke ofruar veshje që mishërojnë finesën dhe elegancën moderne.

Bellico është sot dëshmi e pasionit dhe përkushtimit të Arbesa Mehmedaliut, një emër që premton të lërë gjurmë në botën e modës.

Komento:

	Komenti