ARKEP vendos se kujt do t’i takojnë numrat e Z-Mobile – Ora Info Ballina | ORAinfo.com - Nuk ndalet
Lajmet e fundit
0 °C

ARKEP vendos se kujt do t’i takojnë numrat e Z-Mobile

16:11 | 25 Shtator 2019

ARKEP-i vendos që numrat e Z-Mobile-t t’i kalojnë Vala-s.

Bordi Drejtues i Autoriteti Rregullativ i Komunikimeve Elektronike dhe Postare (ARKEP) ka vendosur që të gjithë numrat e operatorit virtual “Dardafone.net”, e njohur me emrin Z-Mobile, t’i kalojnë Telekomit të Kosovës, gjegjësisht operatorit Vala.

Kjo është vendosur në mbledhjen e sotme, pas analizimit të situatës së krijuar si rezultat i mos vazhdimit të raportit komercial ndërmjet operatorit të rrjetit të telefonisë “Telekomi i Kosovës” dhe operatorit virtual të rrjetit “Dardafon.net”.

“… me qëllim të dhënies së mundësisë së përdoruesve fundorë për vijimësi të shërbimeve, numeracioni i cili është aktualisht në dispozicion për nevoja të operatorit virtual ‘Dardafone.net’, pas kalimit të periudhës tranzitore, t’i kalojë për përdorim operatorit amë rrjetit të telefonisë, përkatësisht ‘Telekomit të Kosovës’”, thuhet në vendimin e ARKEP-it, raporton Koha.net.

Ky Autoritet ka njoftuar po ashtu shfrytëzuesit e telefonisë mobile që shërbimi për ta nuk do të ketë ndërprerje në asnjë moment.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!