Trajneri i Arsenalit, Mikel Arteta pranon se humbja e madhe e madhe ndaj Man City mund të ishte edhe më keq, por ‘Topçinjtë’ nuk do të dorëzohen në ndjekjen e titullit.

‘Topçinjtë’ panë që shpresat e tyre për titull të merrnin një tjetër goditje të mërkurën pasi u mundën thellë nga Manchester City.

Arteta pranoi pas ndeshjes se nikoqirët ishin fitues të merituar dhe shumë më superiorë se skuadra e tij në mbrëmje.

“Ne u mundëm nga një skuadër më e mirë. Ata ishin të jashtëzakonshëm dhe kur është kështu, është jashtëzakonisht e vështirë të arrish atë nivel dhe ne nuk ishim aspak afër,” tha ai për ‘BT Sport’.

Spanjolli tutje pranoi se mund të ndëshkoheshin edhe më shumë, por nuk janë dorëzuar në garën për titull.

“Ne u ndëshkuam dhe mund të ishim ndëshkuar edhe më shumë. Ne nuk do të dorëzohemi. Kanë mbetur pesë ndeshje në këtë ligë, gjithçka mund të ndodhë.

Unë nuk e di se çfarë do të kërkohet. Sigurisht që ne i kemi ngritur lojtarët sepse ata vuajtën sonte dhe ishte e vështirë për t’u gëlltitur,” u tha ai gazetarëve.

“Ne duhet t’i ngremë ata nesër, duke bërë gjithçka që kemi bërë deri më tani aq mirë, për të fituar ndeshjen tjetër për të fituar të drejtën për ta fituar atë. Këtu duhet të fillojmë.”

Manchester City tani duket i destinuar të vazhdojë dhe të shtojë një tjetër titull të Premier Ligë në koleksionin e tyre.

Komento:

	Komenti