ATK suspendon nga puna dy inspektor tatimor – Ora Info Ballina | ORAinfo.com - Nuk ndalet

ATK suspendon nga puna dy inspektor tatimor

19:14 | 14 Shkurt 2020

Suspendohen nga puna dy inspektor tatimor.

Administrata Tatimore e Kosovës ka njoftuar se bazuar në informatat e pranuara nga organet kompetente, ka marrë vendim mbi pezullimin parandalues nga marrëdhënia e punës në ATK për dy inspektor G.J dhe A.J të cilët janë prangosur nën dyshimet se kanë keqpërdor pozitën dhe autoritetit zyrtar.

Menaxhmenti i ATK-së nëpërmjet një komunikate siguron opinionin se çdo informatë e dëshmuar për keqpërdorim të detyrës zyrtare dhe rasteve korruptive do të dërgohet në organet kompetente për trajtim, dhe ndaj të gjithëve që shpallen fajtorë për vepra penale, do të ndërmerren masat e largimit nga marrëdhënia e punës në institucionin tonë.

“ATK falënderon qytetarët, mediat, Prokurorinë dhe Policinë e Kosovës për mbështetjen në luftimin e dukurive negative. Gjithashtu, fton qytetarët që për çdo rast të keqpërdorimit të detyrës zyrtare të raportojnë përmes linjës pa-pagës 080 0 80 800 (burimi i informatave çdoherë do të jetë konfidencial”, thuhet në komunikatë.

Komento: