Atletico po e kërkon sulmuesin e njohur.
Klubi spanjoll është i interesuar për sulmuesin uruguaian, por dyshon nëse mund ta paguajë atë
Edinson Cavani është duke e kaluar vitin e fundit të kontratës me Paris Saint-Germainin.
Për sulmuesin uruguaian flitet se mund të largohet nga Parisi qysh në janar, pasi kampioni francez nuk dëshiron ta humbasë atë pa para verën e ardhshme.
Njër prej klubeve që e do ish-futbollistin e Palermos është Atletico Madridi.
Por, e përditshmja spanjolle “Mundo Deportivo” shkruan se klubi spanjoll dyshon nëse do të mund t’i përmbushë kërkesat e futbollistit për rrogë, por edhe shumën që e kërkon PSG-ja për shitjen e tij.
Për Cavanin flitet se mund të përfundojë në Premierligë, ku e pëlqen Manchester United, por nuk përjashtohet mundësia e rikthimit të tij në Serie A.