Hoti: LDK shpenzonte vetëm 70 mijë euro për pavarësi, kurse tani Haradinaj 500 mijë euro

Deputeti i Lidhjes Demokratike të Kosovës, Avdullah Hoti ka thënë se LDK shpenzonte vetëm 70 mijë euro për pavarësi, kurse tani Qeveria Haradinaj shpenzon 500 mijë euro.

Hoti, ka bërë një krahasim mes Qeverisë së kaluar me ish-kryeministrin Isa Mustafa, dhe Qeverisë aktuale me kryeministër Ramush Haradinaj, sa u përket shpenzimeve të bëra në shënimit e përvjetorit të Pavarësisë së Kosovës.

Ai ka thënë se Qeveria e kaluar në krye me Isa Mustafën, në vitin 2017 ka shpenzuar 70 mijë euro kushtuar përvjetorit të pavarësisë së Kosovës, ndërsa Qeveria Haradinaj në vitin 2019 ka shpenzuar 500 mijë euro kushtuar festës së pavarësisë.

Po ashtu, Hoti ka cekur që festa e pavarësisë e vitit 2017 ka zgjatur tri ditë, ndryshe nga festa e vitit 2019, e cila u shënua me disa aktivitete vetëm me datën 16 dhe 17 shkurt.

Komento:

	Komenti