Avokati Ardian Bajraktari ka komentuar zhvillimet në veri rreth konfiskimi dhe sekuestrimit të pasurive të personave që janë përfshirë në sulmin në Banjskë.

Në këtë drejtim, ai ka lavdëruar punën e organeve ligjzabtuese.

Në profilin e tij në “Facebook”, ai ka shkruar se përkundër presonit politik këto organe po e bëjën punën e tyre me profesionalizëm.

“Vlen të sqarohet se sekuestrimi është masë e përkohshme, e cila merret me anë të urdhrit ndalues përfundimtar nga ana e gjykatës, dhe vlen deri në një vendim tjetër të gjykatës. Kurse, konfiskimi merret pas dënimit të të pandehurit për vepër penale, sipas të cilit gjykata konfiskon të gjitha pasuritë e specifikuara të përcaktuara në aktakuzë. Rrethanë përjashtuese është konfiskimi automatik, sipas të cilit pasuria që është qesisht e rrezikshme ose e paligjshme si dhe sendet e përdorura për kryerjen e veprës penale, i nënshtrohen këtij konfiskimi, në cilëndo fazë të procedurës nga gjyqtari kompetent, pa marrë parasysh fajësinë apo pafajsinë e të pandehurit dhe pavarësisht nëse prokurori i shtetit e ka ndërmarr apo jo ndonjë veprim për ta konfiskuar pasurinë”, ka shkruar ai.

Ai ka treguar edhe detaje tjera.

“Në rrethanat e rastit konkret, konfiskim automatik kemi vetëm tek veturat, kurse pasura tjetër, përfshirë vilën e Radojçiqit dhe pasuritë tjera të specifikuara, me anë të urdhrit ndalues përfundimtar të gjykatës janë sekuestruar, deri në një vendim tjetër të gjykatës. Agjencia për Administrimin e Pasurisë së Sekuestruar dhe të Konfiskuar e ka ekzekutuar vendimin e gjykatës, brenda përgjegjësive të saj ligjore, veprim që duhet ta bëj brenda afatit prej pesëmbëdhjetë (15) ditëve nga dita e dorëzimit të urdhrit si dhe mund të asistohet nga policia”, ka shkruar Bajraktari.

Komento:

	Komenti