Mbrojtësi i krahut, Marcos Alonso pritet të mbetet lojtar i lirë në javët e fundit të afatit kalimtar të verës.

“Mundo Deportivo” ka njoftuar të enjten se Barcelona do t’ia shkëpusë kontratën Alonsos, të cilin nuk ka mundur ta regjistrojë në La Liga për shkak të telasheve financiare.

Kjo ka bërë që palët të arrijnë marrëveshje për shkëputjen e kontratës, që do të bëhet zyrtare brenda kësaj jave.

Alonso edicionin e shkuar firmosi kontratë të re me Barcelonën deri në vitin e ardhshëm me opsionin e rinovimit deri në vitin 2025.

32-vjeçari iu bashkua Barcelonës verën e shkuar si lojtar i lirë dhe në edicionin e tij të parë në “Camp Nou” regjistroi 37 paraqitje në të gjitha garat, duke shënuar tri gola.

Para Barcelonës, Alonso karrierë ka bërë edhe te Chelsea, Fiorentina, Sunderlandi e Boltoni.

Komento:

	Komenti