Barcelona vazhdon rrugën drejt titullit, fiton minimalisht ndaj Osasunas.

Barcelona ka regjistruar një tjetër fitore për të bërë një tjetër hap afër titullit të kampionit në La Liga.

Në ndeshjen e vlefshme për javën e 33-të, skuadra e drejtuar nga Xavi fitoi si vendase ndaj Osasunas, shkruan Gazeta Express.

Ndeshja e zhvilluar sonte në “Camp Nou” përfundoi me rezultatin 1:0.

Golin e vetëm dhe të fitores për katalonasit e shënoi Jordi Alba, në minutën e 85-të.

Vlen të theksohet se skuadra mysafire luajti me një futbollist më pak nga minuta e 27-të, pasi direkt me karton të kuq u përjashtua Jorge Herrando.

Barcelona pas kësaj fitore ka 82 pikë dhe prin në tabelë me 14 pikë më shumë se Real Madridi, që ka një ndeshje më pak.

Osasuna renditet e nënta me 44 pikë.

Komento:

	Komenti