Skuadra e Barcelonës ka marrë një lajm mjaftë të keq.

Trajneri i skuadrës ka bërë të ditur se Lionel Messi nuk ka qenë në formën e tij më të mirë fizike gjatë kohës së fundit.

Kapiteni i Barcelonës, Lionel Messi, po ndien dhimbje që nga Krishtlindjes, sipas trajnerit Ernesto Valverde, i cili shpreson se Messi do të mund të luajë në ndeshjen e kësaj fundjave, kundër Espanyolit.

31-vjeçari u përball me një problem në ijë gjatë kohës sa ishte me ekipin kombëtar të Argjentinës. Messi po luante për ekipin kombëtar për herë të parë që nga përfundimi i Kupës së Botës.

Ai luajti 90 minuta në disfatën me rezultat 3:1 kundër Venezuelës, por u detyrua të mos merrte pjesë në ndeshjen e radhës, kundër Marokut, dhe u kthye në Barcelonë për ta filluar rikuperimin.

Që nga atëherë, Messi i është kthyer stërvitjeve të plota me skuadrën e Barcelonës dhe ai pritet të luajë në ndeshjen e së dielës kundër Espanyolit, në kuadër të La Ligës.

Megjithatë, Valverde ka zbuluar se pesë-herë fituesi i Topit të Artë ka qenë duke u përballur me disa probleme fizike që nga fundi i vitit të kaluar, që e ka detyruar klubin ta bëjë një plan për ta pushuar më shumë argjentinasin.

“Mendojmë se është në rregull, por ai është duke u përballur me këto probleme tash e një kohë të gjatë. Ne po kujdeseshim për këtë gjë që para Krishtlindjeve. Kemi tentuar t’ia ulim dhimbjet dhe vazhdojmë ta bëjmë këtë”, ka thënë Valverde.

“Tani, atij i kanë mbetur edhe disa ditë pushim. Tentojmë të arrijmë gjithçka në mënyrë natyrale. Flasim me të pas ndonjë problemi të vogël në stërvitje dhe e marrim çdo vendim së bashku”.

Përkundër këtyre lëndimeve dhe dhimbjeve, Messi ka qenë mjaft mbresëlënës këtë sezon, me 39 gola të shënuara dhe 21 asiste në 37 ndeshje të zhvilluara.

Komento:

	Komenti