Barcelona do të bëjë gjithçka që mundet për të rikthyer Lionel Messin në klub këtë verë.

Gjeniut argjentinas i skadon kontrata me PSG-në këtë verë dhe MundoDeportivo raporton se presidenti i Barcelonës, Joan Laporta dëshiron ta kthejë atë me çdo kusht, përcjell lajmi.net.

Një nga pikat kryesore të pengesave ishte marrëdhënia mes Messit, babait të tij Jorge dhe Laportas, pas asaj që ata e panë si një tradhti verën e kaluar.

Megjithatë, ka pasur një “shkrirje” të marrëdhënieve me Jorge Messin duke u takuar me Laporta për të diskutuar një rikthim të mundshëm për Messin.

Gjashtë lojtarë të ndryshëm të Barcelonës gjatë gjithë sezonit kanë deklaruar publikisht se Messi do të mirëpritet përsëri në klub, më i fundit prej të cilëve ishte Sergi Roberto.

Gruaja e Messit, Antonella Roccuzzo është parë gjithashtu në javën e modës në Paris me Anna Lewandowski, partneren e Robert Lewandowskit.

Përveç kësaj, Xavi Hernandez është në kontakt të rregullt me Messin përmes telefonit. Jo vetëm që trajneri i Barcelonës ka deklaruar publikisht dëshirën e tij për të parë kthimin e Messit, ai po flet edhe me Messin për një rikthim.

35-vjeçari kampion i botës me Argjentinën u largua nga Barcelona verën e vitit 2021 kur u transferua te Paris Saint Germaini.

Komento:

	Komenti