Barella largohet për 80 milionë euro, Marotta ka gjetur zëvendësuesin për 40 milionë euro.

Një tjetër kryevepër nga Marotta.

Nicolo Barella është njeriu i momentit te Interi këtë sezon. Mesfushori italian po shkëlqen këtë sezon duke realizuar 7 gola dhe 6 asistime në 23 ndeshje të luajtura.

Barella ka kontratë me Neroaxurët deri në vitin 2026, por ky sezon mund të jetë i fundit për të në Meazza, pasiqë Real Madrid synon transferimin e tij në verë.

Los Blancos janë të gatshëm të ofrojnë 80 milionë euro për kartonin e Barellas, ndërsa Marotta e ka gjetur tashmë zëvendësuesin e tij.

Sipas Calcio Mercato, Marotta i ka piketuar dy kandidat që mund ta zënë vendin e Barellas.

I pari në shënjestrën e Marottas është mesfushori i Brighton, Alexis Mac Allister, i cili u shpall kampion Bote me Argjentinën.

Përveç paraqitjeve mbreslënëse në Botëror, Allister po shkëlqen edhe te Brighton, ku ka realizuar 7 gola në 17 ndeshje të luajtura.

Për të siguruar shërbimet e argjentinasit, Inter do të duhet të ofrojë më së paku 40 milionë euro.

Emri tjetër në shënjestrën e Marottas është mesfushori i Sassuolos, Davide Frattesi. Italiani ka realizuar 4 gola në 19 ndeshje këtë sezon dhe për të siguruar shërbimet e tij Neroaxurët do të duhet të paguajnë më së paku 35 milionë euro.

Komento:

	Komenti