Bayerni shkon në pushim me epërsi ndaj Interit.

Bayern Munichu e ka mbyllur me epërsi ndaj Interit pjesën e parë të ndeshjes së vlefshme për fazën grupore të Ligës së Kampionëve.

Vetëm një gol u realizua në fraksionin e parë të sfidës në Giuseppe Meazza, ndërsa realizues ishin mysafirët.

Rezultati u zhbllokua në minutën e 25-të të takimit me golin e Leroy Sane, i cili e priti në mënyrë të mrekullueshme një asistim fantastik nga Joshua Kimmich, e kaloi portierin dhe shënoi.

Bavarezët vazhduan të bënin më shumë presion kundrejt portës vendase, mirëpo në 45 minutat e para nuk pati gola të tjerë.

Rikujtojmë se Interi dhe Bayerni janë pjesë e ‘grupit të vdekjes’ – Grupit C, ashtu që secili rezultat është shumë i rëndësishëm për fatin e grupit.

Komento:

	Komenti