Ish -mbrojtësi i Chelsea, David Luiz mund të ribashkohet me Maurizio Sarri në Lazio këtë sezon, pasi ai po kërkohet edhe nga Benfica dhe Flamengo.

Afati i transferimit tani ka kaluar në Itali, por klubet ende mund të nënshkruajnë me lojtarë që janë jashtë kontratës,përcjell ORAinfo.

Sipas ekspertit të transferimit të Sportitalia Alfredo Pedullà, David Luiz është i etur për të qëndruar në Evropë, kështu që do të hezitojë para se të pranojë propozimin nga Flamengo.

Ai gjithashtu kërkohet në Turqi, dhe nga Benfica, por një opsion intrigues ofrohet nga Lazio dhe raportohet se ka pasur ndonjë kontakt.

Sarri tashmë ka punuar me qendërmbrojtësin brazilian në Stamford Bridge dhe vlerëson përvojën e tij ndërkombëtare, diçka që aktualisht mungon në mbrojtjen e Lazios.

David Luiz sapo mbushi 34 vjeç në prill dhe u lirua nga Arsenali kur kontrata e tij përfundoi më 30 qershor./ORAinfo/

Komento:

	Komenti