Newcastle United, thuhet se ka treguar interes për nënshkrimin e sulmuesit të Atletico Madrid, Alvaro Morata.

Reprezentuesi spanjoll i ka kaluar dy sezonet e fundit në huazim te Juventusi, por skuadra torineze vendosi të mos e bëjë të përhershme marrëveshjen e tij të huazimit, përcjell ORAinfo.

Me Juventusin që nuk është i përgatitur të paguajë klauzolën e blerjes prej 35 milionë euro (29.3 milionë funte), sulmuesi është rikthyer te klubi i tij mëmë Atletico Madrid.

Morata ka pohuar më parë se “disa skuadra” po kërkojnë ta nënshkruajnë atë gjatë afatit kalimtar, me Arsenalin që thuhet se është një nga klubet e interesuar për nënshkrimin e spanjollit.

Sipas Calciomercato, Newcastle po shikon gjithashtu mundësinë e nënshkrimit të Moratas, pasi ata përpiqen të forcojnë opsionet e tyre goditëse përpara sezonit 2022-23./ORAinfo/

Komento:

	Komenti