Duket se Real Madridi do të bëhet me trajner të ri.

Shumë emra janë përmendur si zëvendësues potencial të Santiago Solarit, për të cilin është thënë se do të shkarkohet këtë vikend.

Por, së fundmi, një emër i befasishëm po përmendet në mediet evropiane. Është ai i Clarence Seedorf.

Seedorf mund ta marrë punën e përkohshme të trajnerit të Real Madrid, sipas ‘The Sun’, pasi holandezi është takuar me presidentin e ‘Los Blancos’, Florentino Perez.

42 vjeçari holandez ishte në Madrid për të parë duelin me Ajax Amsterdam, në kuadër të Ligës së Kampionëve, kur edhe ishte takuar me Perez.

Seedorf ka luajtur me Realin e Madridit në vitet 1996-99 dhe thuhet se admirohet nga hierarkia e ‘Santiago Bernabeut’ për aftësitë e tij si lider.

Mbetet të shihet nëse do të ketë ndonjë zyrtarizim rreth këtyre zërave gjatë kësaj dite, kur edhe pritet shkarkimi i Solarit.

Komento:

	Komenti