Këtë të shtune, Beogradi hyri në javën e 26-të të protestave kundër Vuçiqit.

“Një në pesë milionë”, është motoja përmes së cilës protestuesit po kërkojnë largimin e Vuçiqit nga posti i presidentit, shkruan lajmi.net.

Këtë të shtunë, protestuesit janë nisur nga objekti i Radio Televizionit të Serbisë, nga ku kanë vazhduar për në qendër të Beogradit.

Sipas protestuesve, sheshet e tubimeve këto ditë kanë qenë ‘qendra të shenjta të zërit të lirisë’.

E protestuesit nuk kanë lënë pa përmendur edhe Kosovën.

Në fokus ishte aksioni i fundit i Policisë së Kosovës në veri, ku u arrestuan zyrtarë policorë që dyshohet se kanë të bëjnë me kontrabandën dhe krimin e organizuar.

Aktori, Branislav Leçiq tha se aksioni i Njësisë Speciale sipas tij ishte i koordinuar nga autoritetet e Prishtinës dhe ato të Beogradit.

Ai u bëri thirrje qytetarëe që mos të jenë sipas tij të instrumentalizuar nga politika.

Kujtojmë, se aksioni i Njësisë Speciale në veri të vendit ka shkaktuar reagime të mëdha nga pala serbe.

Madje ata kanë kërkuar edhe seancë të veçantë në Këshillin e Sigurimit për këtë ngjarje. /Lajmi/

Komento:

	Komenti