Besnik Tahiri me kritika për krerët e shtetit

00:22 | 19 Shkurt 2023

Besnik Tahiri, ka kritikuar krerët e shtetit, për pjesëmarrjen në konferenca ndërkombëtare, takime, vizita bilaterale e që sipas tij s’kanë asnjë efekt e asnjë projekt për qytetarët e Kosovës.

Tahiri përmendi vizitën e Kurtit në Amerikë, që sipas tij premtoi investime e korporata, teksa shtoi se nuk ndodhi asgjë.

“Nuk po ndodh, tash e dy vjet asgjë, koha kur një lider i shtetit del në një fotografi dhe tregon që takoi dikë, është kohë e tejkaluar”.

“Secili prej nesh, ka një kohë të gjatë që e organizon një takim e bënë një fotografi, e merr një buzëqeshje e edhe një shtrëngim dore, por çka po merr qytetari i Kosovës”, ka shkruar Tahiri.

Tutje, ai tha se për dy vjet, qytetarët e Kosovës po marrin vetëm fajlë, premtime boshe dhe reflektim se çka ka ndodhur tash e 20 vjet.

Komento: