Besnik Tahiri: Veprimi i Kurtit me pagat e mësuesve, çon ujë në mullirin e Putinit – Ora Info Ballina | ORAinfo.com - Nuk ndalet

Besnik Tahiri: Veprimi i Kurtit me pagat e mësuesve, çon ujë në mullirin e Putinit

22:45 | 05 Tetor 2022

Tahiri: Veprimi i Kurtit me pagat e mësuesve, çon ujë në mullirin e Putinit.

Shefi i Grupit Parlamentar të AAK-së, Besnik Tahiri, foli për mosekzekutimin e pagave të mësimdhënësve për muajin shtator, veprim ky të cilin e vlerësoi si të papranueshëm.

Shefi i deputetëve të AAK-së, mosekzekutimin e pagave për mësimdhënësit e cilëson si veprim që rrezikon destabilizimin e Kosovës e madje edhe të rajonit.

“Veprimi i tillë të çon ujë në mulli të Putinit. Vetëm Putini don destabilizim të Ballkanit Perëndimor dhe ky është një destabilizim të cilën zoti Kurti ose është duke e bërë me qëllim ose nuk ka asnjë aftësi për të menaxhuar me shtetin”, tha Tahiri në Tëvë.

Tutje Tahiri tha se me ndalimin e pagave për mësimdhënësit, Qeveria ka bërë një diskriminim të cilin e quajti edhe kundër ligjit.

“Këtu kemi të bëjmë me një diskriminim kolektiv përderisa përgjegjësia është individuale, e personit a shkon apo nuk shkon në punë…Ky vendim është kundërligjor, bie ndesh me ligjin. Nuk është hera e parë dhe në anën tjetër është kundër çdo logjike ekonomike dhe sociale”, shtoi Tahiri.

Komento: