Negociatat e përqendruara në gjetjen e një fundi të përhershëm të luftës me Iranin po ruajnë vrullin e tyre, me hapa drejt zbatimit të marrëveshjes fillestare të vendit me ShBA-në që po marrin formë.

Sipas CNN, negociatorët kryesorë janë larguar nga Zvicra, por bisedimet teknike pritet të vazhdojnë.

Sekretari i Shtetit i ShBA-së, Marco Rubio, do të udhëtojë në Emiratet e Bashkuara Arabe, Kuvajt dhe Bahrein nga e marta (sot) deri të enjten për të diskutuar negociatat ShBA-Iran.

Ndërkohë, presidenti iranian, Masoud Pezeshkian, do të vizitojë sot ndërmjetësuesin Pakistan.

Irani është gjithashtu i vendosur të zhvillojë bisedime me shtetet e Gjirit Persik mbi sigurinë rajonale në fazën tjetër të negociatave me ShBA-në, sipas kryeministrit të Katarit, Mohammed bin Abdulrahman Al-Thani.