PSG-ja e vendos në shitje kapitenin, arsyeja pse foli për Mbappen

Paris Saint-Germain po mendon ta shesë kapitenin e tyre, Marquinhos, këtë verë pasi ai me sa duket zemëroi drejtuesit e klubit me komentet e tij në lidhje me situatën e Kylian Mbappes.

Mbappe ka refuzuar të zgjasë kontratën e tij me parisienët dhe gjithashtu ka refuzuar të negociojë me skuadrën e Ligës Pro Saudite Al-Hilal pasi ata paraqitën një ofertë për sulmuesin francez.

Marquinhos ka bërë thirrje për një armëpushim mes Kylian Mbappe dhe Paris Saint-Germain pas sagës së kontratës mes të dyja palëve.

Marquinhos zbuloi mendimin e tij se PSG duhet të mbajë lojtarët e saj më të mirë.

Sipas Get Football, PSG-ja është e mërzitur me komentet e bëra nga kapiteni i klubit të tyre dhe tani po kërkon ta shesë atë këtë verë pasi të vijë oferta e duhur.

Gjigantët francezë pretendojnë se Marquinhos nuk ka arritur të udhëheqë me shembull pas komenteve të tij dhe besojnë se 29-vjeçari nuk ka arritur të rimarrë formën e tij më të mirë për klubin që nga largimi i Thomas Tuchel në 2020.

Ndërkohë, Marquinhos ka zbuluar se ai shpreson që Mbappe të qëndrojë me ekipin këtë sezon pasi ai u hoq nga turneu parasezonal i klubit në Japoni.

Në një thirrje të qartë që Mbappe të mbetet, kapiteni i PSG tha se ai beson se kampionët në fuqi të Ligue 1 franceze kanë ende nevojë për lojtarët e tyre më të mirë pas largimit të Lionel Messi këtë verë.

Komento:

	Komenti