Zëvendëskryeministri i Kosovës, Besnik Bislimi, ka pritur në takim ambasadorin e Turqisë në Kosovë, Cagri Sakar.
Siç njoftohet në komunikatën për media, ambasadori Sakar, e uroi Kosovën në ecjen tutje në hapat e mëtejshëm për liberalizimin e vizave pas dakordimit të Parlamentit, Këshillit dhe Komisinit Evropian.
Në komunikatë njoftohet se, në takim u diskutua edhe rreth zhvillimeve në proceisn e dialogut.
Komunikata e plotë:
Zëvendëskryeministri Bislimi priti në takim ambasadorin e Turqisë në Kosovë, Cagri Sakar
Prishtinë, 16 dhjetor 2022
Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim ambasadorin e Turqisë në Kosovë, Cagri Sakar.
Ambasadori Sakar e uroi Kosovën në ecjen tutje në hapat e mëtejshëm për liberalizimin e vizave pas dakordimit të Parlamentit, Këshillit dhe Komisionit Evropian. Gjithashtu, u përmend dhe aplikimi i Kosovës për anëtarësim në Bashkimin Evropian, ku zëvendëskryeministri Bislimi e informoi rreth përgatitjeve të Kosovës në këtë proces dhe mbështetjen që vendi e ka marrë që në momentin e dorëzimit të aplikimit.
Në takim, u diskutua dhe rreth zhvillimeve në procesin e dialogut.
6 °C
