Milan është në prag të goditjes së një marrëveshjeje me Atletico Madrid për Angel Correa në 50 milionë euro plus shpërblime.
Eksperti i transferimit Gianluca Di Marzio raporton se drejtori i Milanit, Zvonimir Boban ishte në Spanjë dje për të përpunuar detajet dhe për të arritur marrëveshjen përfundimtare, përcjell ORAinfo.
Çmimi i kërkuar ishte 55 milionë euro dhe javën e kaluar është raportuar se Milan kishte ofruar 45 milionë euro, por marrëveshja duket të jetë afër pasi që Milani do të jap bonuse për lojtarin.
Argjentinasi 24-vjeçar është parë nga trajner i ri Marco Giampaolo si lojtar ideal për sulmuesin Krzysztof Piatek.
Andre Silva është në rrugën e tij për në Monako, ndërsa Patrick Cutrone gjithashtu ka gjasa të shitet për të mbledhur fonde për këtë transferim.
Sezonin e kaluar, Correa shënoi pesë gola me pesë asistime në 49 paraqitje konkurruese për Atletico Madrid.
Besohet se ai tashmë ka pranuar kushtet personale me Rossonerët. /ORAinfo/