Milani mund të ketë më në fund një përparim për Angel Correa me raportet që Atletico Madrid e kanë ulur çmimin e tyre të kërkuar në 40 milionë euro.

Bisedimet kanë vazhduar për gjashtë javë tani me një përparim të çmuar, përveç çmimit prej 55 milionë euro duke rënë në 50 milionë euro.

Kuqezinjtë nuk e ngritën kurrë ofertën e tyre përtej 40 milionë eurove dhe përpjekjet e tyre për të blerë argjentinasin kishin ngecur pas vështirësive për shitjen e Andre Silva.

Sipas programit spanjoll El Chiringuito, të cilët janë të afërt me Atletico dhe Real Madrid, pati një përparim të rëndësishëm sot, përcjell ORAinfo.

Atletico me sa duket kanë rënë dakord të pranojnë 40 milionë euro për Angel Correa pas një takimi ballë për ballë me drejtorin e Milanit Zvonimir Boban në Spanjë sot.

Nga ana tjetër, dalja e Correa do t’i lejojë Atletico Madrid të mbledhë fonde për sulmuesin e Valencias, Rodrigo, transferimi i të cilit është mbajtur përsëri nga çështja Correa. /ORAinfo/

Komento:

	Komenti