Ilkay Gündogan do të jetë lojtar i Barcelonës duke filluar nga vera e ardhshme, siç njofton El Chiringuito.

Mesfushori i Manchester Cityt, kontrata e të cilit përfundon në fund të këtij sezoni, ka arritur tashmë një marrëveshje me klubin blaugrana, me miratimin e Xavi dhe drejtuesve të sportit, gjithmonë sipas informacioneve në programin televiziv.

Barcelona ka kohë që qëndron pas Gündogan-it dhe është një emër që i përshtatet prioriteteve të saj sportive dhe ekonomike.

Të kesh kaluar shtatë sezone në City, me Guardiolën si trajner, siguron një përshtatje të shpejtë me stilin e lojës që e zhvillojnë katalonasit.

Përveç kësaj, fakti që kontrata e tij skadon në fund të këtij sezoni do të lehtësonte operacionin financiar të Barcelonës për të ndërmarrë ardhjen e tij.

Komento:

	Komenti