Bregdetin shqiptar po e presin stuhi të fuqishme, ky është paralajmërimi i meteorologëve – Ora Info Ballina | ORAinfo.com - Nuk ndalet
Lajmet e fundit
0 °C

Bregdetin shqiptar po e presin stuhi të fuqishme, ky është paralajmërimi i meteorologëve

20:25 | 11 Korrik 2019

Stuhi të fuqishme pritet ta përfshijnë Shqipërinë ditëve në vazhdim.

Sipas meteorologëve e shtuna në mbrëmje do të risjellë sërish erëra të forta dhe një tjetër stuhi.

“Dita e nesërme deri në pasdite do vijojë me kthjellime, por pasditja në zonat veriore dhe lindore do të sjellë rrebeshe afatshkurtër shiu. Pasditja e së shtunës, orët e vona parashikohet që të jetë me rrebeshe shiu dhe me erë të fortë.”-thote meteorologia Adiola Bani per tv ora.

Stuhia dhe reshjet e shiut do të na shoqërojnë deri mesin e javës së ardhshme

Qytetet më të rrezikuara mbeten ato në zonat bregdetare.

“Zona bregdetare do të jetë më e prekur nga kjo stuhi ere. Deri në mesin e javës që vjen do të jemi në kushte të paqëndrueshme, pasi do të kemi edhe prezencë të reshjeve të shiut, herë pas herë edhe erë në zonat bregdetare”, ka thënë Bani.

Temperaturat do të qëndrojnë në vlerën 30-31 gradë celsius ndërsa mesi i javës së ardhshme do të sjellë sërish të nxehtin me temperatura deri në 36 gradë celsius.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!