Brenda një nate në Amerikë, temperaturat nga 32 bien në minus – Ora Info Ballina | ORAinfo.com - Nuk ndalet

Brenda një nate në Amerikë, temperaturat nga 32 bien në minus

11:05 | 09 Shtator 2020

Çka po ndodh kështu me botën, brenda një nate në Amerikë, temperaturat nga 32 bien në minus.

Vera përfundoi papritur në një pjesë të Maleve Shkëmbore në SHBA gjatë së martës, pasi temperatura, që deri atë ditë shënonte 32 gradë Celsius, ra në minus një gradë.

Shkak që temperaturat ranë drastikisht është një shpërthim i ajrit të ftohtë nga Kanadaja, që solli dëborë dhe stuhi në disa vende.

Por moti i ftohtë ndihmoi në shuarjen e zjarreve në Kolorado dhe Montana, ku njerëzit kishin lënë shtëpitë e tyre para zjarrit, transmeton Reporteri shkrimet e mediave të huaja.

Erërat e nxehta dhe të forta goditën Kaliforninë dhe pjesë të Paqësorit Veriperëndimor gjatë fundjavës, duke ndezur zjarre shkatërruese.

Nga ana tjetër, Colorado, Montana dhe Ëyoming u mbuluan nga bora.

Kolorado njihet për mot ekstrem. Sidoqoftë, rënia e temperaturës në qytetin e Denverit nga 34 gradë të hënën në zero gradë të martën, “është shumë më herët se zakonisht”, tha klimatologu shtetëror Ras Schumacher.

Shërbimi meteorologjik shtetëror ka regjistruar vetëm gjashtë ditë që nga viti 1872, kur temperatura ra drastikisht në atë qytet.

Rënia e fundit e tillë ishte të Shtunën, pasi temperatura në atë qytet arriti një rekord prej 38 gradë, një nga ditët më të ngrohta në Shtator e regjistruar ndonjëherë.

Komento: