Brukseli i referohet si konsultues takimit me Ekipin Shtetëror – Ora Info Ballina | ORAinfo.com - Nuk ndalet

Brukseli i referohet si konsultues takimit me Ekipin Shtetëror

09:25 | 03 Janar 2019

Dialogu mes Kosovës dhe Serbisë pritet të fillojë se shpejti.

Çështja e të pagjeturve është tema e vetme e konfirmuar, të cilën delegacioni shtetëror do ta shtrojë në takimin e parë në Bruksel. Delegacioni kosovar, por as Brukseli nuk e kanë zbardhur agjendën e plotë dhe çështjet që do të diskutohen, shkruan sot “Koha Ditore”.

Në Zyrën e përfaqësueses së lartë për Politikë të Jashtme, Federica Mogherini, takimit i janë referuar vetëm si konsultues.

“Shërbimi i Jashtëm Diplomatik (EEAS) ka ftuar Ekipin e Dialogut nga Kosova për konsultime, më 8 janar, pas themelimit të tij nga Kuvendi”, ka thënë shkurt Kocijançiq për “Kohën Ditore”.

Por dialogu do të vazhdojë të mbetet në bllokadë, përderisa Kosova nuk tërhiqet nga taksa prej 100 për qind, për produktet nga Serbia dhe Bosnjë-Hercegovina.

E pyetur nëse taksa e Qeverisë për mallrat serbe është pengesë e pakalueshme për të vazhduar dialogun, Maja Kocijançiq u është referuar deklaratave të kolegëve të saj, ku Qeverisë i kërkohet të zmbrapset nga kjo masë, për t’i dhënë shans arritjes së marrëveshjes.

Komento: