Buffon po largohet nga skuadra e PSG-së.
Portieri legjendar i Italisë, Gianluigi Buffon, është para një zgjedhje shumë të rëndësishme që ka të bëjë me të ardhmen e tij në futboll.
Italiani ka vendosur që të largohet nga Paris Saint Germain, dhe nga sezoni i ardhshëm nuk do të jetë me kampionët e Ligue 1.
41 vjeçari është në kërkim të skuadrës së re, dhe deri më tani janë dy skuadra që kanë shfaqur interesim të madh për shërbimet e tij.
Leeds United dhe Porto janë dy skuadrat që sipas ‘Corriere della Sera’ do të nisin ofertat e tyre për italianin.
Porto dëshiron ta ketë portierin me shumë përvojë në radhët e veta, pasi nuk dihet nëse Casillas do të jetë i gatshëm të vazhdojë me paraqitjet e tij.
Leeds në anën tjetër po përgatitet maksimalisht që edicionin e ardhshëm ta sigurojë rikthimin në Premierligë, dhe me Buffon në portë, gjërat do të ishin më të lehta për ta.