Bujar Bukoshi ka folur sa i përket presionit amerikan për shtyrjen e afatit për targat.

Bukoshi në një intervistë për gazetarin Mero Baze tha se kur u pyet se a do ta shtyjë Kurti afatin për targat, ai kishte përmendur një anektodë, ‘e shtyn edhe këndon’.

Lexo Edhe:
Tutje ai citoi edhe disa fjalë që ia kishte thënë ish-presidenti Ibrahim Rugova, duke lënë të kuptojë se duhet të ruhen marrëdhëniet me Perëndimin, ShBA’të e Bashkimin Evropia.

“Më patën pyet disa miq a e refuzon Kurti shtyrjen e afatit për targat ? U thash “edhe e shtyn edhe këndon”, sipas një anektode të njohur në Kosovë. Rugova i ndjerë shpesh më thoshte : lidhu me të fortin dhe dëgjoje, se përndryshe nuk ta qet…”.

Bukoshi tha vetëm politikanëve të mëdhenj u bjen në hise të bëjnë marrëveshje të vështira, andaj sipas tij, për të mos bërë marrëveshje, është gjëja më e lehtë.

“Nëse këto që po ua them mund të ju duken pallavra apo folklor, mund të ju them pikë përnjimend sa vijon: Ruajtja e identitetit shtetëror të Kosovës ka shumë rëndësi. Por ajo nuk është një betejë që fitohet në një ditë. Me rëndësi më të madhe se kaq është ruajtja e aleancës me Perëndimin, me SHBA dhe Bashkimin Evropian, të cilat janë garante afatgjatë të identitetit shtetëror të Kosovës. Ajo është beteja e madhe. Këto betejat e vogla mund të të bëjnë popullor tek militantët e tu por nuk lënë gjurmë në historinë e shtetit. Politikanët e mëdhenj janë ata që u bie në hise të bëjnë marrëveshje të vështira. Për të mos bërë marrëveshje është gjeja më e lehtë. Por kjo nuk të bën fitues. Kjo në shumë raste ngjan më shumë si dezertim”.

Komento:

	Komenti