Përplasen Interi e Real Madridi për Hakimin.

Corriere dello Sport raporton se Real Madridi po kërkon më shumë garanci për pagesën e vonuar të Achraf Hakimit dhe mund të kërkojë Interit për kthimin e lojtarit.

Hakimi u transferua nga Interi në shtator për 40 milionë euro, për t’u paguar në katër këste prej 10 milionë euro.

E para ishte menduar të ishte paguar tashmë në dhjetor, por Interi ra dakord për një shtyrje për 30 mars me kampionët e La Ligës.

Sidoqoftë, me pikëpyetjet që rriten mbi stabilitetin financiar të Nerazzurëve ndërsa ata kërkojnë investitorë të rinj dhe madje mund të shesin klubin, Real Madrid po shqetësohet.

Sipas edicionit të sotëm të Corriere dello Sport, Real Madridi dëshiron më shumë garanci se pagesa e tyre do të arrijë në kohë.

Ata madje sugjerojnë që marrëveshja e nënshkruar për të shtyrë këstin e parë nuk është më e vlefshme, sepse asaj po i mungonin disa elemente kryesorë të dokumenteve, transmeton telegrafi.

Madje mund të ketë një formë të klauzolës së ‘riposedimit’, kështu që Hakimi do të kthehej te skuadra spanjolle në këmbim të fshirjes së borxhit.

Shumë tifozë të Real Madridit janë ankuar se Hakimi ishte shitur shumë herët dhe me çmim të ulët pas kohës magjike të tij të huazimit në Borussia Dortmund dhe do të ishte një përforcim i mirë për skuadrën aktuale të Zinedine Zidanes.

Reprezentuesi i Marokut ka gjashtë gola dhe pesë asistime në 24 ndeshje konkurruese për Interin këtë sezon.

Komento:

	Komenti