Aster Vranckx, është gjithnjë e më afër bashkimit me AC Milan, i cili ka përshpejtuar negociatat me Wolfsburg në orët e fundit.

Në fakt, ka vetëm një distancë prej disa milionësh, pretendon një raport, përcjell ORAinfo.

Pas sigurimit të Malick Thiaw të Schalke 04, ardhja e të cilit do të njoftohet nga klubi së shpejti, Milani tani po punon për një përforcim për mesfushën. Aster Vranckx në dukje është i zgjedhuri dhe negociatat janë në një fazë përfundimtare.

Sipas Gianluca Di Marzio, ekziston një distancë prej 1-2 milionë euro mes klubeve aktualisht pasi Milani paraqiti një ofertë prej 12 milionë euro më herët sot (huazim me mundësi blerjeje). Bisedimet kanë vazhduar gjatë ditës dhe kuqezinjtë janë afër një marrëveshjeje.

Siç shtohet nga Manuele Baiocchini, Milani do të përfshijë bonuse në ofertën e tyre të përditësuar për të bindur Wolfsburgun dhe tarifa përfundimtare duhet të jetë rreth 13 milionë euro. Tashmë është gjetur një marrëveshje me lojtarin që preferoi kuqezinjtë ndaj kujtdo tjetër./ORAinfo/

Komento:

	Komenti