Antonio Rudiger do të largohet nga Chelsea pasi nuk është në planet e trajnerit Frank Lampard.

Mbrojtësi gjerman pas tri viteve të kaluara në Stamford Bridges pritet të largohet pasi nuk i janë premtuar minuta.

Rudiger dëshiron të luaj sa më shumë pasi qëllimi i tij është të marrë pjesë në Euro 2021 me Kombëtaren e Gjermanisë.

Chelsea është gati ta shes lojtarin, por nëse nuk ka ndonjë ofertë të mirë atëherë do ta lënë në huazim një vjeçar.

Katër skuadra të mëdha evropiane, Milan, Inter, Paris Saint Germain dhe Tottenham Hotspur kanë shprehur interesim për të.

27-vjeçari është pajtuar për një largim nga Chelsea dhe tanimë agjenti i tij është në bisedime me këto klube.

Dëshira e Rudiger është të rikthehet te Roma, por ai për Giallorosët është vetëm opsioni rezervë nëse dështon Chris Smalling.

Gjithsesi favoriti kryesor mbetet Paris Saint Germain, me kampionin francez që i ka premtuar minutash të madhe.

Komento:

	Komenti