Clinton: Trump është një kërcënim dhe rrezik i hapur për SHBA-të – Ora Info Ballina | ORAinfo.com - Nuk ndalet
Lajmet e fundit
0 °C

Clinton: Trump është një kërcënim dhe rrezik i hapur për SHBA-të

23:46 | 28 Shtator 2019

Diplomatë të shumtë amerikanë po ripërsërisin qëndrimet e tyre kundër presidentit aktual të Amerikës, Donald Trump.

Trump është një rrezik i hapur dhe një kërcënim për Shtetet e Bashkuara të Amerikës.

Kështu thotë Hillari Clinton, në një intervistë për CBS. Ish sekretarja e shtetit e quan presidentin një tornado njerëzore të korruptuar.

“Nuk ka rëndësi nëse është demokrat apo republikan, kur një president që është betuar për të mbrojtur kushtetutën, përdor pozicionin e tij për të tentuar të detyrojë një qeveri të huaj të veprojë për llogari të motiveve të tij politike”, shpjegon Clinton.

Ish sekretarja amerikane e shtetit i referohet kështu kontakteve mes presidentit ukrainas, Volodimir Zelenski dhe Donald Trumpit. Ky i fundit, i ka kërkuar Zelenskit të kontaktojë me prokurorin e përgjithshëm amerikan, Uilliam Barr, për të diskutuar hapjen e mundshme të një hetimi për korrupsion mbi Joe Biden dhe djalin e tij. Për Clintonin, Trumpi ka tradhtuar vendin.

Është një realitet i hidhur dhe duhet të veprojmë – kishte shkruar ajo pak kohë më parë në Tëitter. Për të, manjati është një rrezik i hapur për gjithçka që amerikanët i bën të fortë dhe të lirë.

Mediat amerikane shkruan javën e shkuar se një informator ishte ankuar për një telefonatë të presidentit Trump, me një lider të huaj, ku ai kishte bërë premtime dhe presion në të njëjtën kohë.

Tema u thellua akoma më tej dhe tashmë ka nisur edhe një procedurë në kongres për shkarkimin e Trump. Ndërkohë mediat amerikane shkruajnë se informatori në qendër të stuhisë, është një oficer i CIA-s.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!