Rritja e çmimeve të naftës pritet të japë një goditje të fortë për vendet që tashmë janë në prag të një krize karburanti. Australia është një nga vendet më të prekura, me çmime të benzinës dhe naftës që kanë shënuar rritjet më të mëdha vitet e fundit.

Industria e kamionëve po ndjen më së shumti presionin, pasi operatorët mbështeten kryesisht te nafta për furnizimin e trajlerave dhe kamionëve që përshkojnë distanca të gjata. Shumë prej tyre raportojnë se kostot e karburantit janë më shumë se dyfishuar që nga shpërthimi i tensioneve në Iran.

Aaron Fischer, pronar dhe operator i një kompanie kamionësh, tregon se ka kaluar netë pa gjumë për të mbajtur biznesin në këmbë. “Para se të ndodhnin të gjitha këto gjëra, më kushtonte 3,600 dollarë australianë (rreth 2,540 dollarë amerikanë) për të mbushur serbatorin… tani po shpenzoj 7,500 dollarë. Ky është problemi: fjalë për fjalë ma ka dyfishuar faturën,” tha ai për BBC.

Analistët paralajmërojnë se nëse çmimet e naftës vazhdojnë të rriten, efektet ekonomike mund të ndihen jo vetëm në industrinë e transportit, por edhe në sektorë të tjerë të ekonomisë globale, duke rritur inflacionin dhe kostot për konsumatorët.