Conte do të largohet nga Tottenhami, në fund të sezonit.

Antonio Conte do të largohet nga posti i trajnerit të Tottenhamit, në fund të sezonit.

Kështu ka bërë të ditur gazetari i njohur italian Gianluca Di Marzio, që ka konfirmuar se Conte do të largohet në fund të sezonit.

Trajneri italian nënshkroi një marrëveshje 18-mujore në nëntor 2021 dhe tani pritet të largohet nga Londra Veriore kur kontrata e tij do të skadojë në qershor.

Eksperti italian i transferimeve, Gianluca Di Marzio, ka pohuar se ish-trajneri i Interit dhe Juventusit do të largohet nga Spurs gjatë verës.

Conte është lidhur me një lëvizje te Juventusi, por Zonja e Vjetër mund të mos luajë as në Evropë sezonin e ardhshëm pas një ulje prej 15 pikësh në Serie A.

Sipas Gazzetta, edhe UEFA mund të marrë masa kundër bardhezinjve duke i ndaluar ata nga garat evropiane për një ose më shumë sezone.

Conte ka drejtuar Zonjën e Vjetër dhe Interin, duke fituar katër tituj të Serie A si trajner.

Trajneri italian do të kthehet së shpejti në vendin e tij të lindjes, pasi skuadra e tij Tottenham do të përballet me Milanin në raundin e 16-të të Ligës së Kampionëve.

Ndeshja e parë është në San Siro më 14 shkurt 2023.

Komento:

	Komenti