Conte tregohet i ashpër te Interi, konfirmon tri largime – Ora Info Ballina | ORAinfo.com - Nuk ndalet
Lajmet e fundit
12 °C

Conte tregohet i ashpër te Interi, konfirmon tri largime

17:38 | 22 Korrik 2019

Antonio Conte konfirmon tri largime nga Interi.

Trajneri i Interit, Antonio Conte ka konfirmuar se Mauro Icardi, Radja Nainggolan dhe Ivan Perisic, janë të lirë të largohen nga klubi, derisa lidhen me një transferim të Romelu Lukakut.

Ish-strategu i Chelseat ka thënë se tre lojtarët nuk janë në planet e tij, derisa po e ndërton një skuadër të re në Giuseppe Meazza.

Sagës rreth të ardhmes së sulmuesit argjentinas po i vije i fundi, derisa Conte ka thënë se ai është i lirë të largohet nga skuadra.

“Situata është shumë e qartë, klubi ka bërë të ditur se Icardi është jashtë projekteve të Interit, Ky është realiteti”, ka thënë trajneri italian.

“Nuk mendon se Ivan Perisic është duke u përshtatur në rolin që po e kërkojë nga ai, tani për tani ai mund të luajë vetëm përpara”.

Nainggolan po ashtu lidhet me një largim nga Nerazzurët, pasi Conte nuk dëshiron të ketë në skuadër lojtarë të rebeluar.

Komento: